By : Polticalface Team ,01-09-2024
दौंड प्रतिनिधी अनिल गायकवाड.
दौंड ता ३१ ऑगस्ट २०२४ दौंड तालुक्यातील मौजे
जाऊजी बुवाचीवाडी ते होलेवाडी, बोरीऐंदी रस्ता व मुळामुठा नवीन कालव्या वरील पूल दुरुस्ती बाबत दौंड तालुका
जिजाऊ ब्रिगेड च्या तालुकाअध्यक्षा सारिकाताई भुजबळ व संघटनेच्या रणरागिणींनी दौंड तहसीलदार मा अरुण शेलार व दौंड पंचायत समितीचे गटविकास अधिकारी तसेच सार्वजनिक बांधकाम विभाग यांना जिजाऊ ब्रिगेडच्या वतीने दि ३० ऑगस्ट २०२४ रोजी निवेदनाद्वारे आमरण उपोषण व संबंधित कार्यालय ठिकाणी मोर्चा बाबत इशारा देण्यात आला आहे.
या बाबत अधिक माहिती अशी की मागील काही दिवसापूर्वी राज्याचे उपमुख्यमंत्री अजितदादा पवार यांनी या रस्त्यासाठी दीड कोटी रुपये निधी मंजूर केला आहे. मात्र अघ्याप ही जाऊजी बुवाचीवाडी ते होलेवाडी, बोरीऐंदी रस्ता व मुळामुठा नवीन कालव्या वरील पूल दुरुस्तीचे काम. सुरू करण्यात आले नाही. हि मोठी शोकांतिका असल्याचे सारिकाताई भुजबळ यांनी बोलताना सांगितले. पुढे त्या म्हणाल्या सदर ठिकाणचा रस्ता वाहतूकीस धोकादायक असुन या रस्त्याने महिला विद्यार्थी व ज्येष्ठ नागरिकांची सतत वर्दळ असते.
पुणे जिल्हा नियोजन समिती, तसेच दौंड पंचायत समिती सार्वजनिक बांधकाम विभाग अधिकारी यांनी तत्काळ दखल घेऊन या बाबत चौकशी करण्यात यावी. व तातडीने काम सुरू करण्यात करावे अशी मागणी निवेदनाद्वारे करण्यात आली आहे.
येत्या पंधरा दिवसात या कामा बाबत दखल घेण्यात आली नाही तर लोकशाहीच्या मार्गाने दौंड येथील सार्वजनिक बांधकाम विभाग कार्यालया समोर हजोरोंच्या संख्येने धडक मोर्चा काढुन आमरण उपोषण सुरू करण्यात येईल याची संबंधित विभागाने दखल घ्यावी. असा इशारा दौंड तालुका जिजाऊ ब्रिगेडच्या वतीने निवेदनाद्वारे देण्यात आला आहे.