By : Polticalface Team ,04-09-2024
दौंड प्रतिनिधी अनिल गायकवाड.
दौंड ता ०४ सप्टेंबर २०२४ दौंड तालुक्यातील मौजे यवत तालुका दौंड जिल्हा पुणे. येथील बँक ऑफ महाराष्ट्र शाखेत लाडकी बहीण योजना लाभार्थी महिलांची चकरा मारून दमछाक झाली आहे. बँक ऑफ महाराष्ट्र शाखेत सर्वसामान्य रोजंदारी मोल मजुरी करणाऱ्या महिलांचे बँक खात्यात भरणा करणे किंवा पैसे काढणे. असे व्यवहार न झालेले. तत्पूर्वीचे खाते बंद असल्याचे दिसून येत आहे. महाराष्ट्र राज्य सरकारने नुकतीच चालू केलेली लाडकी बहीण योजना अंतर्गत अनेक महिलांनी अर्ज भरले असून. पहिल्या व दुसऱ्या टप्प्यात अनेक महिलांना लाडके बहिण योजनेचे तीन हजार रुपये पोस्ट खाते. पीडीसी बँक. बडोदा बँक. या खातेदारांच्या बँक खात्यामध्ये जमा झाले आहे. मात्र बँक ऑफ महाराष्ट्र यवत शाखा येथील महिला खातेदार यांना. लाडकी बहीण योजने अंतर्गत महिलांच्या खात्यामध्ये पैसे जमा होत नाहीत.
महिला खातेदारांना रोज यवत शाखेत येलझरे घालून वैतागून गेली आहेत. आधार लिंक नाही. पॅन कार्ड जोडले नाही. खाते बंद झाले आहे. केवायसी फॉर्म भरलेला नाही. केवायसी फॉर्म भरावा लागेल. दोन हजार रुपये दंड पडला आहे. दंड भरल्या शिवाय खातं चालू होणार नाही. बंद पडलेल्या तुमच्या खात्यात पैसे भरल्या शिवाय खाते चालू होणार नाही. आधार कार्डवर जन्मतारीख नाही. नावात बदल झाला आहे. पॅन कार्ड वर जन्म तारीख चुकली आहे. मोबाईल नंबर बदली झाला आहे.अनेक दिवसा पासून तुमचे बँकेचे व्यवहार बंद आहेत. अशा अनेक कारणांचे उत्तरे देऊन. बँक कर्मचारी ग्रामीण भागातील अशिक्षित महिलांना उलट सुलट हिंदीतून उत्तरे देत आहेत. ग्रामीण भागातील मोल मजुरी करणाऱ्या महिलांना हिंदी भाषा उमजून येत नसल्याने. काय करावे ते कळेना अशी परिस्थिती निर्माण झाली आहे. इंग्लिश भाषेत केवायसी फॉर्म असल्याने. लिहिता वाचता येईना. आठवी नववी शिक्षित असलेल्या नागरिकांना देखील बँकेतील फॉर्म भरणे बाबत मदत घ्यावी लागते. तर मग अशिक्षित ग्रामीण भागातील बोल मजूर रोजंदारी करणाऱ्या महिलांचा काय ?
बँक ऑफ महाराष्ट्र शाखा यवत. लाडकी बहीण योजना महिला लाभार्थी मारतात चकरा. खात्यावर पैसे जमा झाले नाहीत. दंडाची रक्कम पहिली भरा. बँकेतून देतात सल्ला.
बँक ऑफ महाराष्ट्र शाखेतील कर्मचारी याकडे जाणीवपूर्वक दुर्लक्ष करत आहेत. कोणत्याही अशिक्षित खातेदार महिलांना केवायसी फॉर्म भरणे बाबत मदत केली जात आहे. शिवाय कोणतीच माहिती दिली जात नाही. ग्रामीण भागातील शेतकरी मोल मजुरी रोजंदारी काम करणाऱ्या महिलांना या बाबत अनेक अडचणी निर्माण होत आहेत. आजूबाजूच्या महिलांना लाडकी बहीण योजनेचे पैसे जमा झाले आहेत. मात्र काही महिलांचे बँकेच्या हलगर्जीपणामुळे लाडकी बहीण योजनेच्या लाभापासून वंचित आहेत. या बाबत अंगणवाडी सेविका व ग्रामपंचायत विभाग यांच्याशी संपर्क साधून लाडकी बहिण योजने अंतर्गत भरलेल्या फॉर्म बाबत चौकशी केली असता. बँक ऑफ महाराष्ट्र शाखा यवत वगळता सर्व बँकांमध्ये लाडकी बहीण योजनेचे तीन हजार रुपये अनुदान जमा झाले असल्याचे त्यांनी सांगितले.
या बाबत सर्वसामान्य नागरिकांच्या मनात प्रश्न निर्माण झाल्या शिवाय राहत नाही. एवढ्या त्रुटी असताना देखील बँक ऑफ महाराष्ट्र शाखा यवत व्यवस्थापकांनी या महिलांची खाते उघडली च कशी हा मोठा प्रश्न निर्माण झाला आहे.
सुरुवातीलाच खाते काढण्याच्या तत्पूर्वीच या बाबत नियमावलीचे पालन केले असते तर आज ही परिस्थिती निर्माण झाली नसती. अनेक महिलांचे खाते बंद झाली असून. खातेदारांना विनाकारण दंड भरावा लागत आहे. या बाबत. बँक ऑफ महाराष्ट्र शाखा यवत व्यवस्थापक यांची भेट घेऊन चौकशी केली असता. हा वरिष्ठ अधिकारी यांच्या कार्यालयाचा निर्णय आहे आम्ही त्याला काय करू शकतो. असे त्यांनी बोलताना सांगितले. राज्य सरकारने नुकतीच सुरू केलेली. लाडकी बहीण योजना हि राज्यातील बँक ऑफ महाराष्ट्र शाखा यवत. या बँकेतील बंद असलेल्या खातेदारांची दंड वसुलीसाठी झाली की काय असा प्रश्न उपस्थित झाल्या शिवाय राहत नाही. बँक ऑफ महाराष्ट्र शाखेतील कर्मचारी याकडे जाणीवपूर्वक दुर्लक्ष करत आहेत. कोणत्याही खातेदार महिलांना केवायसी फॉर्म भरणे बाबत माहिती दिली जात नाही. किंवा फॉर्म भरण्यास मदत केली जात नाही. हि मोठी शोकांतिका पाहायला मिळाली. बँक खातेदारांनवर कर्मचाऱ्यांचा शिरजोरा कशासाठी. असा प्रश्न उपस्थित केला जात आहे. लाडकी बहीण योजनेअंतर्गत लाभार्थीं महिलांची येलझरे अध्यापही सुरू आहे. लाडकी बहीण योजना लाभार्थी महिलांची धावपळ करून पिळवणूक केली जात आहे. दोन दोन हजार रुपये दंड आकारला जात आहे. लाडकी बहीण योजनेचे पैसे बँकेतच मुरत आहेत. योजनेचे पैसे महिलांपर्यंत पोहोचावेत. या बाबत माध्यमांशी बोलताना राज्याचे मुख्यमंत्री एकनाथ जी शिंदे यांनी सर्व शासकीय व बँक व्यवस्थापकांना जिल्हास्तरावरून सूचना दिल्या असताना देखील बँक खातं बंद असल्याचे कारण दाखवून दोन हजार रुपये पेक्षा अधिक दंड आकारला जात आहे. या बाबत राज्य शासनाने जिल्हा नियोजन समितीच्या माध्यमातून बँक ऑफ महाराष्ट्र शाखा यवत येथील शाखा व्यवस्थापक व कर्मचारी यांची चौकशी करावी. अशी मागणी यवत पंचक्रोशीतील महिला नागरिकांकडून केली जात आहे.