By : Polticalface Team ,04-09-2024
दौंड (प्रतिनिधी) शुक्रवार दि. ३० ऑगस्ट २०२४ रोजी संस्कार प्रायमरी आणि हायस्कूल येथे सखी सावित्री समिती स्थापन करण्यात आली.
या वेळी प्रमुख पाहुणे म्हणुन डाॅ. सौ. अलका माने मॅडम. सौ अँड कावेरी पवार व सौ. नीता वाघमारे ( पोलीस पाटील, लिंगाळी) इ. उपस्थित होत्या. तसेच पालकवर्ग मोठ्या संख्येने उपस्थित होते. या वेळी विद्यार्थ्यांशी संवाद साधताना ॲड. सौ.कावेरी पवार यांनी पॉस्को ॲक्ट बद्दल विद्यार्थ्यांना माहिती दिली, तर डाॅ. सौ. अलका माने मॅडम यांनी विद्यार्थ्यांना गुड टच आणि बॅड टच विषयी माहिती देत असताना कृती युक्त शिक्षण दिले. तसेच प्रत्येकाने भारतीय संस्कृती जपावी असा सल्ला देऊन विद्यार्थ्यांनी मोबाईल वापरू नये, टी. वी. जास्त वेळ पाहू नये असा सल्ला देत त्याविषयी चे दुष्परिणाम सांगितले आणि लिगांळी गावच्या पोलिस पाटिल सौ नीता वाघमारे मॅडम यांनी विद्यार्थ्यांना विनाकारण कुठे बाहेर पाठवू नये, विद्यार्थी कुठे जातात येतात यांची नोंद ठेवण्याचे पालकांना आवाहन केले आणि संकटसमयी ११२ या नंबरवर फोन करण्याचे सांगितले.
संस्थेचे प्रमुख मा.श्री.जयंत पवार सर यांनी कार्यक्रमाची सांगता करत प्रमुख पाहुण्यांचे आभार मानले व कार्यक्रमाचा आढावा घेत कार्यक्रमाची सांगता केली